Sönghópurinn Lux aeterna syngur hluta af passíusálmum Hallgríms Péturssonar í Hafnarfjarðarkirkju á pálmasunnudag 25. mars, skírdag 29. mars og föstudaginn langa 30. mars, kl 17 – 19. Sálmarnir verða sungnir við „gömlu lögin“ sem fólk söng um aldir en Smári Ólason safnaði lögunum saman og útsetti og voru þau gefin út af Skálholtsútgáfunni 2015.

Hrafnkell Orri Egilsson leikur á selló á skírdag og föstudaginn langa.
Heilög kvöldmáltíð verður um kl. 18 á skírdag.
Allir eru velkomnir og fólk getur komið og farið að vild.