Krílasálmar og tónlistarsmiðja
Krílasálmar og tónlistarsmiðja
29. ágúst stendur Fræðslusvið þjóðkirkjunnar fyrir námskeiðum fyrir kirkjustarfsfólk um notkun tónlistar í kirkjulegu starfi.
Annars vegar verður námskeið um Krílasálma og hins vegar tónlistarsmiðja til að kynna möguleika á notkun tónlistar í kirkjustarfi. Krílasálmar eru frábær tónlistanámskeið fyrir ungabörn og foreldra segir Guðný Einarsdóttir ein af leiðbeinendum á námskeiðinu.
Tónlistarsmiðjan er í höndum þeirra bræðra Markúsar og Birkis Bjarnasona sem hafa mikla reynslu af tónlistarsköpun í barna og æskulýðsstarfi. Fræðslusvið leggur áherslu á tónlist að þessu sinni enda er hún frábær viðbót við allt starf. Í gegnum tónlist getum við tjáð og upplifað margt sem erfitt er að segja með orðum.
Hér má sjá eitt lag sem þeir bræður settu saman og hefur slegið í gegn í æskulýðsstarfi. Textinn er Faðirvorið.
