12. mars 2020
Fundi kirkjuþings frestað
Frá fundi kirkjuþings 2019 í nóvember s.l. Svana Helen Björnsdóttir í ræðustóli, þá Drífa Hjartardóttir, forseti kirkjuþings, og Ragnhildur Benediktsdóttir, lögfræðingurForsætisnefnd kirkjuþings ákvað í dag í ljósi aðstæðna í þjóðfélaginu að fresta framhaldsfundi kirkjuþings 2019 sem halda átti 20. mars n.k. til föstudagins 12. júní kl. 14.00.
Búist er við því að þinginu ljúki á sunnudagskvöldi 14. júní, en það gæti þó dregist um einn sólarhring.
Þá hefur forsætisnefnd ákveðið að tilnefna fulltrúa í eftirfarandi þriggja manna undirbúningsnefndir sem starfi fram að þinginu í júní:
1. Nefnd til að undirbúa breytingar á þjóðkirkjulagafrumvarpinu frá 2017
2. Nefnd til að undirbúa innleiðingu á reglum um kjaranefnd
3. Nefnd til að hefja undirbúning úthlutana úr Jöfnunarsjóði sókna eftir nýjum reglum
Um kirkjuþing Kirkjuþing hefur æðsta vald í málefnum þjóðkirkjunnar innan lögmæltra marka. Þingið kemur árlega saman til fundar á haustdögum. Heimilt er að gera allt að sex mánaða hlé á þingfundum milli umræðna eða áður en síðari umræðu um þingmál lýkur. Á þinginu sitja 29 fulltrúar, 12 vígðir og 17 leikmenn. Forseti kirkjuþings er kjörinn úr röðum leikmanna. Núverandi forseti er Drífa Hjartardóttir.
Sjá nánar um kirkjuþing hér.
hsh
