Árla að gröfinni...
Hann er upp risinn... Markúsarguðspjall 16.6 - Seltjarnarneskirkja
Hér verður sagt frá helgihaldi á fáeinum stöðum. Sumir söfnuðir hafa haft samband við kirkjan.is til að greina frá því með hvaða hætti helgihaldið verður í þessum breyttu samfélagsaðstæðum sem samkomubann leiðir af sér.
Víða er venja að guðsþjónusta páskum hefjist kl. 8.00 að morgni og farið að fordæmi kvennanna er komu árla dags að gröf frelsarans.
Seltjarnarneskirkja – sr. Bjarni Þór Bjarnason sér um hátíðarhelgistund sem hefst kl. 8.00. Friðrik Vignir Stefánsson verður við orgelið, Eygló Rúnarsdóttir syngur. Atli Guðlaugsson leikur á trompet. Streymt verður á Facebókarsíðu kirkjunnar.
Vídalínskirkja – sr. Jóna Hrönn Bolladóttir og sr. Henning Emil Magnússon þjóna fyrir altari. Þorsteinn Bachmann, leikari, les guðspjallið. Við orgelið verður Jóhann Baldvinsson, þær Erla Björg og Særún syngja. Streymt verður þaðan kl. 8.00 í fyrramálið og það má sjá hér. Þá mun verða stutt og sérstök helgistund við Ísafold, hjúkrunarheimili í Garðasókn kl. 14.00, sem sagt verður nánar frá hér á kirkjan.is á morgun.
Lágafellskirkja – streymt verður kl. 8.00 og það er sr. Ragnheiður Jónsdóttir sem leiðir helgihaldið og organisti er Þórður Sigurðarson. Sigrún Harðardóttir leikur á fiðlu. Stjórn upptöku: Berglind Hönnudóttir. Eftirvinnsla: Þórður Sigurðarson. Sjá hér.
Ástjarnarkirkja – páskastund kl. 8.00, sr. Bolli Þór Bollason sér um hana en tónlistin er í höndum Svavars Knúts Kristinssonar. Hljóð, upptaka og mynd: Eðvald Sævarsson. Sjá hér.
Dómkirkjan í Reykjavík kl. 11. 00: Sjónvarpað og útvarpað guðsþjónustu. Biskup Íslands, sr. Agnes M. Sigurðardóttir, prédikar. Sr. Sveinn Valgeirsson og sr. Elínborg Sturludóttir þjóna fyrir altari. Organisti: Kári Þormar og Kammerkór Dómkirkjunnar syngur.
Akureyri og nágrenni Sjónvarpsstöðin N4 verður með guðsþjónustu í beinni útsendingu á páskadag, 12. apríl, kl. 14.00. Guðsþjónustan er tekin upp í Akureyrarkirkju en myndskot koma frá öðrum kirkjum. Þrjár konur prédika við guðsþjónustuna, þær: sr. Hildur Eir Bolladóttir, sr. Jóhanna Gísladóttir, og sr. Stefanía Steinsdóttir. Prédikunarefnið: Þrjár konur komu að gröfinni á páskadagsmorgni – þrenn lífsgildi komu að gröf Jesú á páskadagsmorgni: Kærleikur, umhyggja, hugrekki. Sr. Svavar Alfreð Jónsson, þjónar fyrir altari. Sr. Sindri Geir Óskarsson og sr. Gunnar Einar Steingrímsson, þjóna líka í guðsþjónustunni. Um ritningarlestra sér Sunna Kristrún Gunnlaugsdóttir, djákni. Meðhjálpari er Aníta Jónsdóttir.
Sem fyrr segir er þetta alls ekki tæmandi upptalning. Ljóst er að með lengingu samkomubanns verður kirkjan.is að hafa sérstakan helgihaldsdálk til að koma til móts við söfnuði landsins.
hsh
