Katrínartún 4 í Reykjavík - biskupsstofa er á þriðju hæðKórónuveirutími veldur ýmsum breytingum á samskiptavenjum fólks bæði á opinberum vettvangi og einkavettvangi.

Öllum er ljóst að mikilvægt er að fara með varkárni þar sem veiran er annars vegar. Daglegar fréttir af smiti segja allt um það sem segja þarf. Eitt smit getur haft mikla röskun í för með sér fyrir einstaklinga, fyrirtækí og stofnanir eins og dæmin sanna. 

Gjarnan hefur það verið svo að fólk leggur leið sína á biskupsstofu ýmissa erinda og ekki síst eftir að skrifstofa biskupsembættisins fluttist í nýtt húsnæði að Katrínartúni 4, Reykjavík, sem margir vilja skoða. En vegna kórónufaraldursins hefur þeim vinsamlegu tilmælum verið beint til vígðra þjóna og annarra starfsmanna þjóðkirkjunnar að takmarka komur sínar á biskupsstofu nema brýna nauðsyn beri til.

Biskup Íslands, sr. Agnes M. Sigurðardóttir, og skrifstofustjóri biskupsstofu, Guðmundur Þór Guðmundsson, rituðu nýverið bréf til starfsmanna kirkjunnar þar sem þau sögðu meðal annars:

Svo sannarlega mun gleðin lifna í hjörtum fólks þegar kórónuveirufaraldurinn verður afstaðinn og allt kemst sem næst í hið fyrra horf. En meðan sá tími er ekki kominn er það síminn, tölvupósturinn og fjarfundir sem eiga sviðið að mestu leyti. 

hsh