Fundur kirkjuþings
%203.jpg?proc=NewsImage "Kirkjuþingsfundur - fjarfundur og þau í Katrínartúni 4 - frá vinstri: Ragnhildur Benediktsdóttir, skrifstofustjóri kirkjuþings, sr. Agnes M. Sigurðardóttir, biskup Íslands, Ásdís Clausen, fjármálastjóri, og fjær: Ragnhildur Ásgeirsdóttir, skrifstofu- og mannauðsstjóri biskupsstofu og Pétur Georg Markan, biskupsritari - mynd af skjá: hsh")
Kirkjuþingsfundur - fjarfundur og þau í Katrínartúni 4 - frá vinstri: Ragnhildur Benediktsdóttir, skrifstofustjóri kirkjuþings, sr. Agnes M. Sigurðardóttir, biskup Íslands, Ásdís Clausen, fjármálastjóri, og fjær: Ragnhildur Ásgeirsdóttir, skrifstofu- og mannauðsstjóri biskupsstofu og Pétur Georg Markan, biskupsritari - mynd af skjá: hsh Í gær var haldinn stuttur fundur kirkjuþings 2021-2022, sá 8. í röðinni, og fór hann fram í gegnum fjarfundabúnað.
Forseti kirkjuþings, Drífa Hjartardóttir, setti fund og bauð fulltrúa velkomna.
Tvennt var á dagskrá:
1. Kosning uppstillingarnefndar, sbr. 18. gr. starfsreglna um kjör til kirkjuþings nr. 8/2021.
2. Kosning fulltrúa í starfskostnaðarnefnd kirkjuþings í stað Önnu Guðrúnar Sigurvinsdóttur.
Forsætisnefnd kirkjuþings samþykkti á fundi sínum þann 24. febrúar 2022 að tilnefna eftirfarandi einstaklinga í uppstillingarnefnd þjóðkirkjunnar og einn fulltrúa í starfskostnaðarnefnd kirkjuþings. Vísað er til 12. gr. starfsreglna um þingsköp kirkjuþings nr. 10/2021 um tillögur forsætisnefndar um nefndaskipan og breytingar á þeim.
Uppstillingarnefnd, sbr. 18. gr. starfsreglna um kjör til kirkjuþings nr. 8/2021:
Reykjavíkurprófastsdæmi eystra: Níels Árni Lund, Grafarholtssókn
Kjalarnessprófastsdæmi: Elín Jóhannsdóttir, Bessastaðasókn,
Vesturlandsprófastsdæmi: Guðrún Kristjánsdóttir, Borgarnessókn
Vestfjarðaprófastsdæmi: Hlynur Hafberg Snorrason, Ísafjarðarsókn
Húnavatns- og Skagafjarðarprófastsdæmi: Jóhanna Magnúsdóttir, Bólstaðarhlíðarsókn
Eyjafjarðar- og Þingeyjarprófastsdæmi: Jóhann Hjaltdal Þorsteinsson, Lögmannshlíðarsókn
Austurlandsprófastsdæmi: Ólafur Eggertsson, Berunessókn
Suðurprófastsdæmi: Björn Ingi Gíslason, Selfosssókn
Samþykkt samhljóða.
Starfskostnaðarnefnd, sbr. ályktun kirkjuþings 2020 – 2021 í 42. máli, um skipun starfskostnaðarnefndar kirkjuþings vegna prests- og prófastsþjónustu.
Samþykkt samhljóða. Fundi slitið.
Þegar þingfundi var lokið hófst lokaður kynningarfundur. Þar var kynnt staða fjármála þjóðkirkjunnar 2021 og horfur ársins 2022 – fjármálastjóri þjóðkirkjunnar, Ásdís Clausen, og sr. Gísli Jónasson, formaður fjárhagsnefndar kirkjuþings, fóru yfir stöðuna. Fundurinn var haldinn samkvæmt ákvörðun forsætisnefndar kirkjuþings og að ósk formanna fastra þingnefnda kirkjuþings.
Fundarhöldum lauk kl. 11.50 en fundur hófst kl. 10.00.
Kirkjuþing kemur til 9. fundar 26. mars nk.
hsh
