Glæsileg samstöðumessa
Alexandra Chernyshova syngur við undirleik Arnhildar Valgarðsdóttur - mynd: hshÍ morgun fóru fram nokkrar samstöðumessur með úkraínsku þjóðinni vegna innrásar rússneska hersins í landið fyrir um mánuði.
Það var margt um manninn í Fella- og Hólakirkju og auk þess sem messunni var streymt beint.
Tónlist skipaði öndvegi í messunni. Kór kirkjunnar söng undir stjórn Arnhildar Valgarðsdóttur, organista, sálma og einnig þjóðsöng Úkraínu. Grímur Helgason lék á klarínett. Sigrún Hjálmtýsdóttir, öðru nafni Diddú, söng af sínum alkunna krafti og þokka. Þá sungu þær Lay Low og Alexandra Chernyshova.
Sr. Jón Ómar Gunnarsson þjónaði í messunni og prédikaði.
Fræðslufulltrúi Hjálparstarfs kirkjunnar, Kristín Ólafsdóttir, sagði frá hjálparstarfi í Úkraínu og sýndi myndir. Viðstöddum gafst tækifæri til að styðja Hjálparstarfið með fjárframlögum.
Segja má að umbúnaðurinn í þessari messu hafi verið óvenju glæsilegur. Tónlist í fremstu röð, góð fræðsla og uppbyggileg prédikun.
Í lokin var boðið upp á kaffihressingu.
hsh
Arnhildur Valgarðsdóttir stýrði söng og lék á flygilinn
Kristín Ólafsdóttir sagði frá hjálparstarfi í Úkraínu
Lay Low söng
Diddú söng líka og Grímur Helgason lék á klarínett
Alexandra Chernyshova söng
söng
Sr. Jón Ómar Gunnarsson þjónaði í samstöðumessunni
