Þau sóttu um
Guðríðarkirkja -mynd-Hreinn HákonarsonBiskup Íslands óskaði eftir presti til þjónustu í Grafarholtsprestakalli, Reykjavíkurprófastsdæmi eystra.
Miðað var við að viðkomandi gæti hafið störf 1. janúar 2023.
Umsóknarfrestur rann út 2. október s.l.
Sjö sóttu um, en einn óskaði nafnleyndar.
Hin eru:
Sr. Aldís Rut Gísladóttir
Sr. Bryndís Svavarssdóttir
Hilmir Kolbeins mag. theol.
Sr. Jóhanna Magnúsdóttir
Kristján Ágúst Kjartansson mag. theol.
Sr. María Rut Baldursdóttir
Grafarholtsprestakall
Guðríðarkirkja er eina starfsstöð safnaðarins.
Kirkjuskipið er hægt að opna yfir í safnaðarsal og tekur þannig rúmlega 300 manns; þá er rúmgóð afgreiðsla (skrifstofa) og tvær skrifstofur fyrir presta.
Til staðar er einnig lítill salur til smærri funda og athafna; anddyri, eldhús; geymslurými og snyrtingar að ógleymdu fallegu opnu útisvæði.
Starfinu fylgja viðbótarskyldur við önnur prestaköll í prófastsdæminu, önnur prófastsdæmi, sem og við Þjóðkirkjuna–Biskupsstofu og önnur kirkjuleg stjórnvöld.
Fyrirvari
Biskupafundur hefur unnið að breytingum á skipan prestakalla um allt land með sameiningum tveggja eða fleiri í eitt stærra prestakall.
Ofangreind þjónusta var auglýst laus til umsóknar með þeim fyrirvara að vera mætti að biskupafundur legði tillögur fyrir kirkjuþing sem kunna að leiða til breytinga á skipan prestakalla, hljóti þær samþykki kirkjuþings.
Allar gildar umsóknir fara til valnefndar sem fer yfir allar umsóknir og boðar umsækjendur til viðtals innan þriggja vikna frá lokum umsóknarfrests, sbr. 8 gr. starfsreglna um ráðningu í prestsstörf.
