Sálmabók

1 Lofum þann sem lífið gefur,
látum hljóma sigurbrag!
Gleðjumst öll því Guð oss hefur
gefið bjartan páskadag.
Dauðans kraftur aldrei aftur
unnið fær oss breyska menn.
Hallelúja, hallelúja!
Nýjan heim vér sjáum senn.

2 Konur vildu vin sinn finna,
var sá nár í kaldri gröf.
Hugðust liðnu líki sinna,
líkna því með hinstu gjöf.
Inn þær gengu, ei þó fengu
augum litið Drottins son.
Hallelúja, hallelúja!
Grafarmyrkrið geymir von.

3 Frétt var boðuð beygðum konum:
Brotið dauðans veldi er!
Brosir sól í brostnum vonum,
burtu skuggans ríki fer.
Jesús lifir! Lýst er yfir
lífsins sigri hér á jörð.
Hallelúja, hallelúja!
Fögnum því með þakkargjörð.

4 Þó að tár af hvörmum hrynji,
hylji tíminn gengin skref,
göngumaður móður stynji
máttugt ómar sigurstef:
Sigur gefur sá sem hefur
son sinn vakið dauða frá.
Hallelúja, hallelúja!
Vonin lifir honum hjá.