Sálmabók

1 Drottinn Guð af himni háum
hefur gát á stórum, smáum,
um þau stendur ætíð vörð.
Til þín, faðir, fyrst vér leitum,
frelsa oss sem á þig heitum.
:,: Helgist nafn þitt hér á jörð. :,:

2 Ríki þitt um álfur allar
eflir þú og saman kallar
öll þín börn í einni trú.
Þinn á jörðu verði vilji.
Veit að allur heimur skilji
:,: vegsögn þá sem veitir þú. :,:

3 Daglegt brauð oss Drottinn gefur,
daga' og nætur oss umvefur
að vér líðum engan skort.
Fyrirgef oss, faðir góði,
frelsa oss af voðans flóði,
:,: einn þú þekkir eðli vort. :,:

4 Heyr þú bænir barna þinna,
blessun lát þau ætíð finna,
yfir þeim um aldir vak.
Þú sem ríkir öllu ofar,
eilífð himna nafn þitt lofar
:,: eins og minnsta andartak. :,: