Sálmabók

1 Syngið Drottni, sól og máni,
sérhvert ljós sem kveikir hann.
Syngið Drottni, himnar háir,
hljómi allt sem lofa kann.

2 Heiðrið Drottin, höfin jarðar,
húmið, regnið, vindur, snær.
Tignið Drottin, tré og steinar,
tindar fjalla, ljúfur blær.

3 Lofið Drottin, hálsar, hæðir,
hjarnið jökla, foss og lind.
Lofa Drottin, fugl og fluga,
fjallabúar, geit og kind.

4 Lofa Drottin, kristin kirkja,
konung þinn í líki manns.
Honum skulum vegsemd veita
vernduð öll í faðmi hans.