Sálmabók

1 Er vetrarnóttin nístir lönd
og nýtt fer kirkjuár í hönd
í von og lotning lítum vér
það ljós á jörð sem tendrað er.

2 Þó myrk sé nótt hann með oss er
sem mennska hagi valdi sér.
Oss boðin færir kertakrans
um komu Jesú, ljósið hans.

3 Það enn á ný um foldu fer
og flytur mildi Guðs með sér.
Hvert kertalog er loforð slíkt
að líf vort allt sé honum vígt.

4 Um síðir veröld veg sinn fer.
Þá veit oss, Guð, að lifum vér
það kirkjuár sem aldrei dvín
er eilíft ljós þitt bjartast skín.