Sálmabók

1 Ástarfaðir himinhæða,
heyr þú barna þinna kvak,
enn í dag og alla daga
í þinn náðarfaðm mig tak.

2 Náð þín sólin er mér eina,
orð þín döggin himni frá
er mig hressir, elur, nærir
eins og foldarblómin smá.

3 Einn þú hefur allt í höndum,
öll þér kunn er þörfin mín,
ó, svo veit í alnægð þinni
einnig mér af ljósi þín.

4 Anda þinn lát æ mér stjórna,
auðsveipan gjör huga minn
og á þinnar elsku vegum
inn mig leið í himin þinn.