Sálmabók

Andstef (Sálm. 17.15)
Ég mun í réttlæti skoða auglit þitt,
mettast af mynd þinni þegar ég vakna.

Ljúk upp augum mínum svo að ég sjái
dásemdirnar í lögmáli þínu.
    Lát mig skilja veg fyrirmæla þinna,
    að ég megi íhuga dásemdir þínar.
Kenn mér, Drottinn, veg laga þinna
og ég mun fylgja honum allt til enda.
    Veit mér skilning til að halda lögmál þitt
    og varðveita það af öllu hjarta.
Leið mig götu boða þinna,
af henni hef ég yndi.
    Lát náð þína koma yfir mig, Drottinn,
    hjálpræði þitt samkvæmt fyrirheiti þínu,
Ég mun í réttlæti skoða auglit þitt,
mettast af mynd þinni þegar ég vakna.
Dýrð sé Guði, föður og syni
og heilögum anda
    svo sem var í upphafi
    er og verður um aldir alda. Amen.
Ég mun í réttlæti skoða auglit þitt,
mettast af mynd þinni þegar ég vakna.