Tónskólinn býður upp á endur- og símenntun á sviði kirkjutónlistar einkum í orgelleik, söng og ryþmískum hljómborðsleik. Auk þess eru reglulega haldin styttri námskeið sem auglýst eru hér undir þessum flipa. Skráning á endurmenntunarnámskeið fer fram í tölvupósti á tonskoli@tonskoli.is.
Orgelleikur
Tónskólinn býður upp á einkakennslu í orgelleik. Hægt er að sækja einkakennslu í orgelleik víða um land. Námið er einkum hugsað fyrir organista í starfi sem vilja bæta við sig en einnig þá sem langar að kynnast hljóðfærinu án skuldbindinga varðandi námskröfur.
Söngur
Tónskólinn býður upp á einkakennslu í söng. Hægt er að sækja einkakennslu í söng víða um land. Námið er einkum hugsað fyrir organista, kórstjóra, söngvara í kirkjukórum, presta og guðfræðinema sem vilja bæta við sig án skuldbindinga varðandi námskröfur.
Ryþmískur hljómborðsleikur
Tónskólinn býður upp á einkakennslu í ryþmískum hljómborðsleik. Námið er einkum hugsað fyrir organista, kórstjóra og aðra þá sem vilja bæta við sig án skuldbindinga varðandi námskröfur.
Verð á einkatímum
Hver einkatími er 40 mínútur.
3 tímar: kr. 24.000,-
5 tímar: kr. 37.500,-
14 tímar (heil önn): kr. 112.000,-
Ljómandi námskeið eru vettvangur fyrir innblástur, góðar hugmyndir og jafnvel hugljómanir fyrir fólk í starfi í kirkjum og aðra áhugasama um viðfangsefni námskeiðanna. Virk þátttaka og hugmyndaflæði einkenna Ljómandi námskeiðin og markmiðið að þátttakendur fari ljómandi af þeim!
Á haustönn verða tvö Ljómandi námskeið í boði:
Ljómandi léttu lögin við orgelið
Hvað?
Hvernig notum við orgelið til að spila ýmis dægurlög? Æfð verða lög sem algeng eru í athöfnum og unnið með þau í hóptímum.
Fyrir hvern?
Alla áhugasama organista.
Staðsetning
Bústaðakirkja
Hvenær og hverjir?
Föstudagarnir 11. október og 18. október kl. 16-18
Leiðbeinandi: Jónas Þórir Þórisson
Verð
Fullt verð 12.500 kr.
Ókeypis fyrir nemendur Tónskóla þjóðkirkjunnar
Skráning
Skráning er nauðsynleg, sendið póst á tonskoli@tonskoli.is
Ljómandi leikir og orgel í barnastarfi
Hvað?
Á námskeiðinu kennum við hvort öðru skemmtilega leiki sem hægt er að nota í barnastarfi og með barnakórum og fáum jafnframt góðar hugmyndir að því hvernig hægt er að nota orgelið í barnastarfinu.
Fyrir hvern?
Öll áhugasöm um skemmtilegt barnastarf
Staðsetning
Akureyrarkirkja
Hvenær og hverjir?
Föstudagurinn 26. október kl. 16-18
Leiðbeinendur: Guðný Einarsdóttir og Sigrún Magna Þórsteinsdóttir
Verð
Námskeiðið er ókeypis
Skráning
Ekki er þörf á skráningu
Tónskóli þjóðkirkjunnar býður upp á námskeið í raddbeitingu og framsögn í umsjá þeirra Davíðs Þórs Jónssonar, prests og leikara og Laufeyjar Helgu Geirsdóttur, söngkennara. Kennt verður í litlum hópi þar sem bæði verður farið yfir raddbeitingartækni, framsagnaræfingar og fleira gagnlegt sem tengist því að koma fram og nota röddina.
Námskeiðið fer fram í Háteigskirkju miðvikudagskvöldin 9., 16. og 23. október kl. 20-21:30. Bæði verður hópnum kennt öllum saman en einnig skipt í minni hópa.
Hámarksfjöldi þátttakenda er 10 manns svo það gildir reglan fyrstur kemur, fyrstur fær.
Verð fyrir námskeiðið er 18.900 en öll námskeið á vegum Tónskólans eru styrkhæf frá stéttarfélögum.
Afsláttur er 50% fyrir starfandi presta og djákna Þjóðkirkjunnar sem og guðfræðinema við Háskóla Íslands.
Skráning fer fram með því að senda tölvupóst á netfangið tonskoli@tonskoli.is
